Ăнлантарса пани

Лартмалла меслетсем

OpenOffice.org офис пакечĕн 3-мĕш версинче:

Сирĕн малтан чăваш словарĕн хушăмне уçласа илмелле.
Малалла вара сирĕн ăна уçă офиса вырнаçтармалла. Хушмашкăн сирĕн менюри «Сервис» пайĕнчи «Управление расширениями...» пункта куçмалла. Уçсанах эсир офис пакетне лартнă ытти хушăмсене куратăр. Чăваш словарĕ, хăвăрах куратăр ĕнтĕ, унта хальлĕхе çук. Ăна хушас пулсан сирĕн «Добавить...» пускăч çине пусмалла та уçласа илнĕ файла шыраса тупмалла. Ăна тупнă хыççăн офис сирĕнтен эсир ку хушăма хăвăрăн кăна е ытти усăçсем те усă курмалла лартмалла-и тесе ыйтĕ. Паллах, пур усăç валли те («Для всех пользователей») лартсан лайăхрах.
Лартнă хыççăн хушăмсен чӳречине хупма та юрать — «Закрыть» пускăч çине пусăр.

Малалла вара документра «Сервис»—«Язык»—«Для всего текста» пунктра «Чувашский» суйласан уçă офис сирĕн документа чăвашла тĕрĕслесе пырĕ.

OpenOffice.org офис пакечĕн 2-мĕш версинче:

Уçласа илнĕ архиври *.dic тата *.aff файлĕсене C:\Program Files\OpenOffice.org 2.2\share\dict\ooo каталога вырнаçтармалла.

Малалла сирĕн çав каталогра dictionary.lst файла шыраса тупмалла та çак йĕркене хушмалла:

  DICT cv RU cv_RU

Ку йĕркене кĕртнĕ хыççăн OpenOffice.org офиса ямалла. Е, çак вăхăтра вăл ĕçленĕ пулсан, хупса çĕнĕрен ямалла. Асăрхăр: енчен те OpenOffice.org-а хăвăрт яма пулăшакан модуль (выр. Быстрый запуск) ĕçлет пулсан, ăна та хупмалла.

Малалла OpenOffice.org-ра çакăнта кĕмелле: "Сервис -» Параметры -» Настройки языка -» Языки". Кунта "Язык документов" валли "Чувашский", "Локальные настройки" валли "Чувашский" лармалла.

Кайран çакăнта куçмалла: "Сервис -» Параметры -» Настройки языка -» Лингвистика -» Доступные языковые модули -» [Правка...]". Çĕнĕ чӳречере "Язык" валли "Чувашский" лартмалла. Аялти чӳречере "[ ] OpenOffice.org Hunspell SpellCheker" тухĕ.
Чанапа палăртман пулсан — палăртатпăр.

ПУЛЧĔ!!! Чăваш чĕлхине тĕрĕçлемелли хатĕр ку сăмахсарпа ĕçлеме хатĕр!

Сăмахсен ушкăнĕсем

Ку сăмахсара хатерленĕ чухне çак ушкăнсене усă курнă/çине пайланă:

А: хытă уçă сасăллă япала ячĕсем. Асăрхăр: вырăс чĕлхинчен улшанмасăр кĕнĕ сăмахсене уйрăм ушкăнсене кĕртмелле

B: çемçе уçă сасăллă япала ячĕсем. Асăрхăр: вырăс чĕлхинчен улшанмасăр кĕнĕ сăмахсене уйрăм ушкăнсене кĕртмелле

H: хытă уçă сасăллă глаголсем. Асăрхăр, ку ушкăна темиçе глагол кĕмест: пар, пыр, тăр, хур, шăр, яр. Вĕсем валли уйрăм ушкăн пур: W

G: çемçе уçă сасăллă глаголсем. Асăрхăр, ку ушкăна темиçе глагол кĕмест: йĕр, кĕр, кӳр, пер. Вĕсем валли уйрăм ушкăн пур: V

V: йĕр, кĕр, кӳр, пер глаголсем

W: пар, пыр, тăр, хур, шăр, яр глаголсем

С: çемçе уçă сасăллă наречисем.

J: хытă уçă сасăллă наречисем.

F: çемçе уçă сасăллă паллă ячĕсем.

E: хытă уçă сасăллă паллă ячĕсем.

D: местоименисем.

Вырăсларан кĕнĕ япала ячĕсем валли уйрăм ушкăнсем пур:

I: -а (-о, -я) çине пĕтекен /ударени юлашки сыпăк çине ӳкмест/ (культура, атака, аксеома, ладья) /юлашки çине ӳкет пулсан - А/

M: -е çине пĕтекен /ударени юлашки сыпăк çине ӳкмест/ (училище) /юлашки çине ӳкет пулсан - А/

N: -сть, -ись, -зь çине пĕтекен (промышленность, крепость)

O: -ея çине пĕтекен (аллея, ассамблея)

Хатĕрлекенсем:

Çак çынсем хатĕрленĕ:

Chuvash.Org пĕрлĕхе хутшăнакансем (Николай Плотников, Игорь Алексеев, Kir, Анатолий Миронов)

К. Малышев малтанхи вариантне хатĕрленĕ /орфографи словарĕнчен М саспалли таран кĕртнĕ/

Аффикссен файлне хатĕрленĕ чухне Л.П. Сергеевăн «Чăваш чĕлхи» справочникне усă курнă.